Dy të mitur janë therur me thikë nga një bashkëmoshatar i tyre në rrugën “Xhemajl Mustafa” në Podujevë, raporton Policia e Kosovës.

Sipas policisë, i dyshuari është arrestuar ndërsa viktimat janë dërguar në QKUK, shkruan Arbresh.info.

Në vendin e ngjarjes është konfiskuar thika e cila dyshohet se është përdorur në rast.

“Rr. Xhemajl Mustafa, Podujevë 18.11.2025 – 17:55. Është arrestuar i dyshuari i mitur për shkak se kishte therur me mjetë të prehtë- thikë dy viktimat të mitur. Si pasojë e sulmit dy viktimat kanë pësuar lëndime dhe ndihmën e parë e kanë marrë në emergjencën e qytetit pastaj janë dërguar edhe në QKUK. Njësitë policore në vendin e ngjarjes kanë gjetur dhe konfiskuar mjetin-thikën e cila dyshohet se ishte përdorë në rast. I dyshuari pas intervistimit me vendim të prokurorit është dërguar në mbajtje”, thuhet në raportin 24 orësh të PK./Arbresh.info